G‘azo sektoriga insonparvarlik yordami nihoyatda kam miqdorda olinmoqda. Bu haqda BMTning Falastinlik qochqinlarga yordam ko‘rsatish va ish olib borish agentligining (UNRWA) X ijtimoiy tarmog‘idagi xabarida aytiladi, deya xabar bermoqda “Anadulu”.

Tashkilotning ta’kidlashicha, hozirda kuniga kamida 500 ta yuk mashinasining eksklavga kirishini ta’minlash zarur.

Bayonotga ko‘ra, Isroil rasmiylari gumanitar yordam olib ketayotgan yuk mashinalarining ko‘pchiligi G‘azoga kirishiga ruxsat bermagan. UNRWA ma’lumotlariga ko‘ra, 20-mart holatida, G‘azo sektoriga gumanitar yordam olib ketayotgan 159 yuk mashinasi kirib kelgan. Shuningdek,agentlikning ta’kidlashicha, bu hajmlar eksklav aholisining asosiy ehtiyojlarini qondirishga imkon bermayapti. UNRWAning qo‘shimcha qilishicha, G‘azoda 24 ta sog‘liqni saqlash markazlaridan faqat 8 tasi faoliyat ko‘rsatmoqda.

• Bayonot
• Falastin
• Gumanitar yordam