Isroil G‘azo sektorida 14 mingdan ortiq begunoh bolalarni o‘ldirib, hatto Gitlerni ham ortda qoldirdi.

Bu haqda Turkiya prezidenti Rajab Toyyib Erdo‘g‘on hukmron Adolat va taraqqiyot partiyasi (AKP) parlamentdagi fraksiyasi yig‘ilishida so‘zlagan nutqida aytib o‘tdi, deya xabar bermoqda “Anadulu”.

Davlat rahbarining ta’kidlashicha, hech kim Turkiya prezidentining ham, uning ma’muriyatining ham Falastin masalasida sezgirligiga shubha qilishga haqli emas.

"Har qanday sharoitda men Falastin kurashini himoya qilishda davom etaman va Xudo menga bergan umrimning oxirigacha mazlum Falastin xalqining ovozi bo‘laman", - dedi Turkiya rahbari.

Falastinning HAMAS harakatining faoliyatiga to‘xtalar ekan, u "Mustaqillik urushi davrida Turkiya uchun Milliy kuchlar qanday bo‘lgan bo‘lsa, Hamas ham shundaydir" deb ta’kidlagan.

• Erdogʻan
• Isroil