BMT maʼlumotlariga ko‘ra, Ukrainada urush boshlanganidan buyon 3 381 nafar tinch aholi halok bo‘lgan, 3 680 nafar kishi esa turli darajada yarador bo‘lgan. Bu haqda BMT Qochoqlar ishlari bo‘yicha oliy komissari hisobotida keltirib o‘tilgan.

Hisobotga ko‘ra, 24-fevraldan 8-mayga qadar Donesk va Luganskning Kiyev nazoratida bo‘lgan hududlarida 1 699 kishi halok bo‘lgan, 1 441 kishi esa yaralangan.

Mazkur viloyatlarning rasmiy Kiyev nazoratida bo‘lmagan hududlarida esa 111 kishi o‘ldirilgan va 443 nafar fuqaro o‘qotar qurollardan yaralangan.

Ukrainaning boshqa hududlari bo‘ylab esa 1 571 kishi halok bo‘lib, 1 796 kishi yaralangan.

O‘lim va yaralanishlarning aksariyati otishma va portlovchi moddalar, jumladan, og‘ir artilleriya va ko‘plab raketa hujumlari, shuningdek, havo zarbalari bilan bog‘liq.

Inson huquqlari bo‘yicha oliy komissarning fikriyaa, haqiqiy raqamlar ancha yuqori, chunki shiddatli janglar davom etayotgan baʼzi joylardan maʼlumotlar kechiktiriladi va ko‘plab hisobotlar hali ham tasdiqlanishini kutmoqda.

Bu, masalan, ko‘plab tinch aholi qurbonlari haqida xabarlar mavjud bo‘lgan Mariupol (Donesk viloyati), Izyum (Xarkov viloyati) va Popasna (Lugansk viloyati)ga tegishli.

• BMT
• Rossiya
• Ukraina
• Urush