Ukraina Prezidenti Volodimir Zelenskiy Ukraina armiyasi qo‘mondonligi qo‘shinlarini Lisichanskdan olib chiqqanini tasdiqladi.

"Biz devorlarni tiklaymiz, yerni qaytarib olamiz, eng muhimi odamlarni himoya qilish kerak. Va agar armiya qo‘mondonligi odamlarni dushman eng katta olov ustunligiga ega bo‘lgan frontning ma’lum nuqtalaridan olib ketsa, bu Lisichanskga tegishli bo‘lsa, bu faqat bitta narsani anglatadi - zamonaviy qurol-yarog‘lar ta’minotini ko‘paytirib, taktikamiz tufayli qaytamiz”, deydi Prezident

Yakshanba kuni Ukraina Bosh shtabi Lisichansk uchun og‘ir janglardan so‘ng Ukraina armiyasi o‘z pozitsiyalaridan chekinishga majbur bo‘lganini ma’lum qilgan.

Ma’lumot o‘rnida, 3-iyul kuni Rossiya Mudofaa vaziri Sergey Shoygu Rossiya Prezidenti Vladimir Putinga Lisichansk shahri Lugansk xalq respublikasi nazorati ostiga olingani haqida hisobot berdi. Mudofaa vazirligida ta’kidlanganidek, RF Qurolli Kuchlari va LXR xalq militsiyasi shahar va yaqin atrofdagi bir qancha aholi punktlari ustidan to‘liq nazorat o‘rnatdi, ularning eng yiriklari Belogorovka, Novodruzjesk, Maloryazansevo va Belaya Gora.

• Rossiya
• Ukraina
• Urush