Braziliyaning Fos-du-Iguasu shahri mezbonlik qilayotgan boks bo‘yicha Jahon Kubogi (World Boxing)da yarim final janglari davom ettirildi.

Musobaqaning beshinchi kun dasturida 3 nafar o‘zbekistonlik bokschilar 1/2 final janglarida ringga chiqib, ularning barchasi raqiblarini yaqqol ustunlik bilan mag‘lubiyatga uchratdi. Jahon chempioni Mirazizbek Mirzaxalilov gvatemalalik Jose Felipega hech qanday imkoniyat qoldirmadi – 5:0. Javohir Ummataliyev (-80 kg) qozog‘istonlik Dias Moljigitovni, Akmaljon Isroilov (-85 kg) esa polshalik Yakub Strashevskini taslim etdi va finalga yo‘l oldi.

Barcha janglar natijasi:

-55 kg: Mirazizbek Mirzaxalilov - Jose Felipe (Gvatemala) soat 5:0

-80 kg: Javohir Ummataliyev - Dias Moljigitov (Qozog‘iston) 5:0

-85 kg: Akmaljon Isroilov - Yakub Strashevski (Polsha) 5:0

Ma’lumot uchun, 4-aprel kuni To‘rabek Habibullayev (-90 kg), O‘zbekiston terma jamoasining eng og‘ir (+90 kg) vazndagi a’zosi Jahongir Zokirov, Asilbek Jalilov (-50 kg) va Fazliddin Erkinboyev (-75 kg) raqiblarini mag‘lub etib, finalga yo‘l olgandi. Final janglari bugun start oladi.

• Boks
• Braziliya
• Jahon
• O‘zbekistonlik