Bortida yaponiyalik kosmik sayyohlar boʻlgan “Soyuz MS-20” kemasi Qozogʻiston hududiga kelib qoʻndi.
Kema bortidagi ekipaj aʼzolari – Yusaku Maedzava va Yodzo Xirano, shuningdek kosmonavt Aleksandr Misurkinning aholi yaxshi ekanligi maʼlum qilingan. Kosmik apparat Jazqazgʻan shahridan 148 kilometr uzoqlikdagi hududga kelib qoʻngan.
Ekipaj XKSni kecha, 19-dekabr kuni tark etgan. U atmosferaning zich qatlamiga kirgach, apparat ustidagi asosiy parashyut ochilgan.
Yaponiyalik tadbirkor Maedzava va uning yordamchisi Xirano rossiyalik kosmonavt hamrohligida 8-dekabr kuni XKSga yetib borgan edi. “Soyuz MS-20” soʻnggi 12 yil ichida xalqaro kosmik stansiyaga sayyohlarni olib borgan ilk qurilmaga aylangan.
Yaponiyalik kosmik sayyohlar stansiya bortida videolar suratga olishgan, turli topshiriqlarni bajarishgan, tadqiqotlar bilan mashgʻul boʻlishgan. Shuningdek, stansiyadagi boshqa kosmonavtlar bilan vaznsizlik holatida badminton ham oʻynashgan.
O‘zbekiston va jahonda ro‘y berayotgan eng so‘nggi voqea-hodisalar, sport, shou-biznes, madaniyat, informatsion texnologiyalar va ilm-fan yangiliklaridan doimo xabardor bo‘ling!
O‘zbekiston va jahonda ro‘y berayotgan eng so‘nggi voqea-hodisalar, sport, shou-biznes, madaniyat, informatsion texnologiyalar va ilm-fan yangiliklaridan doimo xabardor bo‘ling!