Britaniya politsiyasi odamlarni shahar ko‘chalari bo‘ylab sayr qilish chog‘ida kiyimlari ostida sovuq qurollar bor-yo‘qligini yashirin ravishda skanerlashi mumkin bo‘ladi. Bu haqda “Kazinformuzbek” xabar berdi.

Kelgusi yilda joriy etilishi mumkin bo‘lgan yangi texnologiya huquq-tartibot idoralari xodimlariga gavjum joylarda olti metrgacha bo‘lgan masofada kiyim tagida pichoq borligini hatto qalin palto va kamar ostida ham aniqlash imkonini beradi, deb yozadi “The Standard”.

Ushbu texnologiyani joriy etishni tezlashtirish uchun Britaniya hukumati 460 ming funt sterlingdan ortiq mablag‘ ajratdi. Uning qo‘llanilishi aybsiz odamlarni hibsga olish va tintuvlar sonini kamaytirishga qaratilgan.

Londonda pichoq bilan jinoyat sodir etishda o‘sish tendensiyasi kuzatilmoqda, Britaniya poytaxtida 2022-yil iyulidan 2023-yilning iyuniga qadar 13503 ta hodisa qayd etilgan. Bu ko‘rsatkich avvalgi 12 oylik davrga nisbatan 20 foizga oshganini bildiradi.

• Buyuk Britaniya
• Politsiya
• texnologiya