Isroil harbiylari 3-dekabr kuni G‘azoga hujum uyushtirdi, oqibatida yetti nafar falastinlik, jumladan, ikki nafar bola halok bo‘ldi. Yana 32 kishi turli darajada tan jarohatlari oldi. Bu haqda Al Jazeera xabar berdi.

Isroilning mazkur hujumi AQSh vositachiligida tuzilgan otashkesimni 591-marta buzilishiga olib kelgan. Isroil bu zarba XAMASning to‘rt nafar yahudiy askarni o‘ldirganiga javoban amalga oshirilganini ma’lum qilgan.

Tibbiyot xodimlarining xabar berishicha, Isroil hujumlari qurbonlari orasida “Zaytun” mahallasida halok bo‘lgan ikki nafar falastinlik va al-Mavosiy lageriga uyushtirilgan hujumlar oqibatida o‘lgan besh kishi bor. Mazkur lagerga qilingan bombardimon oqibatida bir nechta chodir yonib ketgan va yong‘in keltirib chiqargan.

“Isroil raketa zarbasi oqibatida al-Mavosiyda ikki bola bilan birga besh nafar fuqaro halok bo‘ldi, yana bir qancha odam, ularning ba’zilari og‘ir yaralandi”, – degan fuqarolik mudofaasi vakili Mahmud Basal.

• Falastin
• Havo hujumi
• Isroil