Buyuk Britaniya kelgusi yil davomida Ukrainaga 245 million funt sterling (taxminan 311 million dollar) miqdorida yordam yuborishini eʼlon qildi. Qo‘llab-quvvatlash artilleriya o‘q-dorilari zaxiralarini to‘ldirish va ularni ishlab chiqarish uchun taэminot zanjirlarini jonlantirishga qaratiladi.

“245 million funt sterling yordam harbiy harakatlar boshlanganidan roppa-rosa ikki yil o‘tib e’lon qilindi. Artilleriya Ukrainaning jang maydonidagi muvaffaqiyati uchun juda muhim ekanligini isbotladi, doimiy ravishda Rossiya kuchlarini zaiflashtirdi va muhim yutuqlarga erishishiga to‘sqinlik qildi”, — deyiladi Buyuk Britaniya hukumati bayonotida.

Buyuk Britaniya mudofaa vaziri Grant Shapps 22-fevral kuni London Kiyevga 200 ta Brimstone uchuvchi raketa yuborishini aytgan edi.

• Buyuk Britaniya
• Gumanitar yordam
• Ukraina