Jahon sog‘liqni saqlash tashkiloti butun dunyoni niqob taqish rejimiga qaytishga chaqirdi. Bu haqda tashkilot bosh direktori Tedros Adhanom aytgan.

“COVID-19 omikron shtammining yangi turlari butun dunyo bo‘ylab tarqalishda davom etmoqda, shuning uchun xalqaro hamjamiyatdagi mamlakatlar pandemiyaga qarshi kurashish uchun keng tarqalgan niqob rejimiga qaytishlari kerak”,– deydi JSST bosh direktori Tedros Adhanom Gebreyesus.

Shuningdek, u yangi turdagi koronavirusni yetarlicha tarqalib ulgurgani va o‘limlar soni ko‘payib borayotganidan xavotirdaligini bildirgan.

“Men COVID-19 omikron shtami infektsiyalari soni ortib borayotganidan tashvishdaman. Yangi epidemiya allaqachon haddan tashqari ko‘p tarqalib ulgurdi. Bu esa sog‘liqni saqlash tizimlari va tibbiyot xodimlariga qo‘shimcha bosim o‘tkazmoqda. Qolaversa, o‘limlar soni ortib borayotganidan ham xavotirdaman”, — deydi tashkilot rahbari.

Ma’lumot uchun, 2022-yil 13-iyul holatiga ko‘ra, O‘zbekistonda koronavirus infeksiyasi qayd etilganlar soni 241953 (+71) nafarni tashkil etmoqda.

• JSST
• Niqob
• koronavirus