Bugun 7-noyabr kuni Buxoro viloyati Buxoro shahrida chiqindi tashuvchi yuk mashinasi haydovchisi ish vaqtida bir fuqaroni bosib ketgan. Bu haqda viloyat Ichki ishlar boshqarmasi axborot xizmati xabar berdi.

Uning ma’lum qilishicha, voqea bugun soat taxminan 08:30 larda Buxoro shahar Mustaqillik ko‘chasida sodir bo‘lgan. Halok bo‘lgan fuqaro Buxoro davlat pedagogika institutining 2-bosqich talabasi bo‘lgani ma’lum qilindi. Qiz chiqindini tashlash uchun kelgan vaqtida “Maxsusavtoxo‘jalik” MChJning 42 yoshli haydovchisi uni bosib ketgan. “Musorovoz” yuk qutisini bo‘shatib, ikkinchisi tomonga harakatlanayotgan vaqtida mashinaning old tomonidan o‘tib ketayotgan qizni bosib qolgan.

Qiz past bo‘yli bo‘lgani uchun yuk mashina kabinasiga juda yaqin kelgan vaziyatda haydovchi uni ilg‘amay qolgan va mashinani ustiga haydab yuborgan. Qiz voqea joyida vafot etgan”, deyiladi berilgan axborotda.
Hozirda holat yuzasidan tergovga qadar tekshiruv harakatlari olib borilmoqda

• Avtohalokat
• Buxoro
• Qurbon