O‘zPFL rahbari kecha bo‘lib o‘tgan Sepahan-Paxtakor o‘yinidan keyin o‘z fikrlarini bildirib o‘tdi.

Paxtakor safidagi 4 futbolchiga rostmana achindim: Hojiakbar Alijonov, Farrux Sayfiyev, Odil Hamrobekov, Sardor Sobirxo‘jayev.

Bu kvartet o‘z vaqtida potensiali yuqori bo‘lgan futbolchilar edi. Biroq yillar davomida ular kuchli raqobatga duch kelish o‘rniga, o‘z pozisiyalarida haqiqiy monopolga aylanib borishdi. 

Chunki Hojiakbar Alijonovga 4 yil ichida aqalli bir dona raqobatchi topib bera olishmadi. Bunday holatda futbolchi ham zerikadi, ham o‘sishdan to‘xtaydi. 

Farrux Sayfiyevning ikki raqobatchisidan bir vaqtda voz kechildi: Ibrohimhalil Yo‘ldoshev va Akrom Komilov. Sayfiyev o‘zi qolib ketdi.

Tayanch zonasidagi futbolchilarga ham yangi motivasiya topish qiyin bo‘layotgani ular uzatayotgan paslardan ma’lum. 

Umid qilamanki, Hojimat Erkinov iloji boricha kuchliroq ligaga yo‘l oladi. Biz hech bo‘lmasa shu futbolchini yo‘qotib qo‘ymasligimiz kerak.

• Futbol
• OChL
• Paxtakor