”Asian Boxing” tashkilotining navbatdagi kongressi bo‘lib o‘tdi.

Bugun Tailandning Bangkok shahrida “Asian Boxing” tashkilotining navbatdagi kongress yig‘ilishi tashkil etildi. Unda Osiyo qit’asi boksining kelajakdagi rejalari ko‘rib chiqilib, ushbu tashkilot rahbariyatiga nomzodlar saylandi.

Unga ko‘ra, “Asian Boxing” tashkilotining prezidenti etib, amaldagi rahbar tailandlik Pichay Chunxavajira qayta saylandi. Undan tashqari tashkilotga vitse-prezident nomzodi ovozga qo‘yildi. Ushbu lavozimga Qozog‘iston, Yaponiya, Filippin vakillari va O‘zbekiston boks federatsiyasi raisining birinchi o‘rinbosari Saken Po‘latov nomzodlar qo‘yilgan edi. U yakunda ushbu lavozimga saylandi. Ayollar yo‘nalishida vitse-prezident lavozimi falastinlik Fotima Ahmadga nasib etdi.

“O‘ylaymizki, Saken Po‘latov o‘zining yuksak tajribasi, bilimi bilan nafaqat o‘zbek boksini rivojida, balki, Osiyo boksini yuksaltirishda ham o‘z hissasini qo‘shib, uni jahonda yuqori pog‘onalarga olib chiqishiga ishonamiz.

Fursatdan foydalanib, O‘zbekiston boks federatsiyasi va bokschilar oilasi nomidan Saken Po‘latovni yangi lavozim bilan qutlab, uning kelajakdagi ishlariga omad va zafarlar tilaymiz” – deyiladi boks federatsiyasining xabarida.

• Amaldorlar
• Boks
• Prezident
• Xalqaro