Kecha, 14-yanvar kuni Ukrainaning Dnepr shahridagi ko‘p qavatli ulardan biriga raketa urilishi natijasida 14 kishi halok bo‘ldi. Bu haqda prezident devonxonasi rahbari o‘rinbosari Kirilo Timoshenko ma’lum qildi.

“Rossiya bosqinchilari 14 yanvar, shanba kuni bo‘lib o‘tgan yirik o‘qqa tutish vaqtida Dneprdagi ko‘p qavatli uyga zarba berishdi. Dneprdan dahshatli xabar. Biz ko‘p qavatli uyga kirdik”, – deya yozgan Timoshenko o‘zining telegram kanalida.

Uning ta’kidlashicha, uyning barcha kirish qismlari vayron bo‘lgan, odamlar esa vayronalar ostida qolgan.

“Shunchaki, yirtqich hayvonlar, hech bo‘lmaganda bitta kirish joyi yo‘q, vayronalar ostida bayramda uyda bo‘lgan odamlar bor”, – deya qo‘shimcha qilgan Kirilo.

Ta’kidlanishicha, 38 kishi vayronalar ostidan qutqarib olingan. Qidiruv operasiyasi davom ettirilmoqda. Rossiya rasmiylari hali vaziyatga izoh bermagan.

Ukraina Harbiy-havo kuchlari vakili Yuriy Ignatning ma’lum qilishicha, Dneprdagi ko‘p qavatli binoga Rossiyaning dengizdagi aviatashuvchi guruhlarni yo‘q qilishga mo‘ljallangan X-22 raketasi kelib urilgan. Uning bayonotiga ko‘ra, Ukraina havo mudofaa tizimlari bunday raketani urib tushirishga qodir emas.

Rossiya bu raketalarni avval ham Ukrainaga qarshi hujumlarda ishlatgan.

• Raketa
• Rossiya
• Ukraina
• hujum