Dunyodagi eng keksa ayol – yaponiyalik Kane Tanaka 119 yoshni qarshi oldi. U Yer sayyorasidagi eng keksa ayol sifatida Ginnessning rekordlar kitobiga kiritilgan.
Ayol Yaponiyaning Fukuoka prefekturasidagi qariyalar uyida hayot kechiradi. Koronavirus pandemiyasi bilan bogʻliq cheklovlar tufayli u tugʻilgan kunini yaqinlari davrasida nishonlay olmagan.
Kane Tanaka 1903-yilning 2-yanvar sanasida tugʻilgan. Ayol butun umri davomida guruchli non sotish bilan shugʻullangan, 1970-yilda nafaqa chiqqan va bir necha marta AQShga sayohat qilgan.
Rekordchi shirinliklarni juda yaxshi koʻradi, har kuni barvaqt uygʻonadi. Boʻsh vaqtida esa stol oʻyinlari bilan band boʻladi.
Kane Tanaka Ikkinchi jahon urushida turmush oʻrtogʻi va oʻgʻlidan judo boʻlgan. 103 yoshida saratonga chalingan, ammo kasallikka qarshi kurashib, uni yengishning uddasidan chiqqan.
Kane Tanaka yildan-yilga fransiyalik Janne Kalman tomonidan oʻrnatilgan mutlaq rekord tomon yaqinlashmoqda. Janne Kalman 122 yil-u 164 kun hayot kechirgan va bu koʻrsatkich rasman qayd etilgan mutlaq rekord hisoblanadi.
O‘zbekiston va jahonda ro‘y berayotgan eng so‘nggi voqea-hodisalar, sport, shou-biznes, madaniyat, informatsion texnologiyalar va ilm-fan yangiliklaridan doimo xabardor bo‘ling!
O‘zbekiston va jahonda ro‘y berayotgan eng so‘nggi voqea-hodisalar, sport, shou-biznes, madaniyat, informatsion texnologiyalar va ilm-fan yangiliklaridan doimo xabardor bo‘ling!