Endilikda mansabdorning xatosi uchun davlat emas, aynan o‘zi javob beradi.

Agarda davlat organi yoki mansabdor shaxs qonunga xilof ravishda qaror chiqarsa, kimningdir huquqini buzsa, odamlar yoki biror-bir tashkilotga zarar yetsa, yetkazilgan moddiy zarar sud qarori bilan albatta qoplab beriladi. Ushbu qoida barcha davlat organlariga, uning huquqiy bo‘linmalariga va mansabdor shaxslarga taalluqlidir.

Alohida hollarda zararni qoplash tartibi boshqa qonunlar bilan baholanadi. Masalan, Ichki ishlar, Milliy gvardiya, bojxona, harbiylar yoki davlat notariuslarining xatolari tufayli yetkazilgan zarar ham qoplanadi. Favqulodda holatlar, operatsiyalar yoki davlat ehtiyojlari uchun olib qo‘yilgan yer uchun yetkazilgan zararlarni qoplash tartibi ham belgilangan.

Davlat xatosi tufayli odam yoki tashkilotga zarar yetkazilsa, bu zarar sud qarori bilan davlat hisobidan to‘lanadi. Bunday huquqbuzarlik sodir bo‘lganda qonun ustuvor bo‘ladi, insonning huquq va manfaatlari birinchi o‘ringa qo‘yiladi. Manfaatlar to‘qnashuviga yo‘l qo‘yilmaydi. Jarayonlar to‘liq ochiq va shaffof bo‘ladi.

Zarar mahalliy byudjetlarning zaxira mablag‘laridan, qo‘shimcha byudjet mablag‘laridan, byudjetdan tashqari jamg‘armalardan, mahalliy byudjetlarning maxsus ajratilgan mablag‘laridan foydalaniladi. Zarar miqdori sud qarori asosida baholanadi. Sudning qonuniy kuchga kirgan qarori bo‘lsa, zarar hududiy kompensatsiya jamg‘armasidan pul shaklida qoplanadi.

Eng muhimi, bu mablag‘lar keyinchalik aybdor deb topilgan mansabdor shaxslardan to‘liq tartibda undiriladi.

Qonun bo'yicha davlat hisobidan nohaq foydalanganlar jazolanadi, mansabdor shaxslarning shaxsiy javobgarligi yanada oshiriladi.

• Amaldorlar
• Jazo
• Loyiha
• Qonun