OFK Chempionlar Ligasi final bahsida Saudiya Arabistonining “Al-Ahli” va Yaponiyaning “Kavasaki Frontale” jamoalari bahslashishdi. Hal uchrashuv Jiddadagi “King Abdulla Sport” stadionida bo‘lib o‘tdi. O‘yinda Firmino boshchiligidagi Saudiyaning “Al-Ahli”si ishonchli 2:0 hisobida g‘alaba erishdi.

Hisob uchrashuvning 35-daqiqasida braziliyalik Venderson Galeno tomonida kiritilgan supergol orqali ochildi. Oradan 7 daqiqa o‘tib, “Al-Ahli” yarimhimoyachisi Frenk Kessie burchakdan uzatilgan to‘pni boshi bilan darvozaga joylab qo‘ydi. Hisob 2:0 ko‘rinishiga keldi. Gollarning ikkalasiga ham sobiq “Liverpul” hujumchisi Roberto Firmino assistentlik qildi.

Ma’lumot uchun, musobaqaning yarim finalida “Kavasaki Frontale” Krishtianu Ronaldu boshchiligidagi “An-Nasr”ni 3:2 hisobida mag‘lubiyatga uchratgan bo‘lsa, “Al-Ahli” esa “Al-Hilol”ni 3:1 hisobida taslim qilgan edi.

Shuningdek, musobaqa yakunlariga ko‘ra, turnirning eng yaxshi o‘yinchilari aniqlandi:

— Eng yaxshi darvozabon — Eduard Mendi (“Al Ahli”, Saudiya Arabistoni);

— Eng yaxshi to‘purar — Salim Al Dovsari (“Al Hilol”, Saudiya Arabistoni);

— Eng yaxshi o‘yinchi — Roberto Firmino (“Al Ahli”, Saudiya Arabistoni).

• Final
• Futbol
• OChL