Bu haqda Turkiya prezidenti Rajab Toyyib Erdo‘g‘an ma’muriyati bayonot berdi. Mazkur bayonotda “Anqara Bokuning iltimosiga binoan Isroil bosh vaziri samolyotiga o‘z havo hududini ochishi mumkin”, –degan mish-mishlarga izoh berildi.

“Turkiya Isroilning G‘azo xalqiga nisbatan olib borayotgan genotsid siyosati sababli o‘z havo hududini isroillik samolyotlar uchun yopgan. Anqara Falastin xalqining adolatli kurashini qo‘llab-quvvatlashda davom etadi. Asossiz xabarlarga ishonmang”, – deyiladi Turkiya prezidenti huzuridagi dezinformatsiyaga qarshi kurash markazi xabarida.

Ozarbayjon Suriyada yuzaga kelgan vaziyat yuzasidan Isroil va Turkiya o‘rtasida vositachilik qilmoqda. Aprel oyida Bokuda ikki davlat rasmiylari o‘rtasida muzokaralar o‘tkazilib, tomonlar Suriyadagi keskinlikni yumshatish yo‘llarini izlashga kelishib olgan edi. Biroq hozirda vaziyat yanada taranglashmoqda, Isroil ketma-ket ikki kundan buyon Anqaraning ittifoqchisi bo‘lgan Damashq kuchlariga aviazarbalar bermoqda.

• Binyamin Netanyaxu
• Erdogʻan
• Isroil
• Qaror
• Suriya