Yarimo‘rta vazn (66,7 kg.gacha) toifasida WBC, WBO va WBA chempionlik kamarlari sohibi Terens Krouford navbatdagi jangini Isroil Madrimovga qarshi o‘tkazadi. Bu haqda ESPN xabar berdi.

Ma’lumotlarga ko‘ra, ushbu jang 3-avgust kuni AQShning Kaliforniya shtati Los-Anjeles shahrida bo‘lib o‘tadi.

Qayd etilishicha, o‘tgan yilning 30-iyul kuni Krouford hamyurti Errol Spensni to‘qqizinchi raundda texnik nokautga uchratib, yarimo‘rta vazn toifasida mutlaq jahon chempioniga aylangan.

Amerikalik chempion prof ringda o‘tkazgan 40 ta jangining barchasida g‘alaba qozongan, 31 ta jangda nokaut qayd etilgan.

Eslatib o‘tamiz, Isroil Madrimov 8-mart oqshomida Saudiya Arabistonining Ar-Riyod shahrida rossiyalik Magomed Kurbanovni 5-raundda nokautga uchratib, WBA kamarini qo‘lga kiritgandi.

• Boks
• Isroil Madrimov
• Sport