Rus bokschisi Denis Boytsov, “Russian Tyson” laqabi bilan tanilgan bokschi 40 yoshida vafot etdi. Bu haqda Oryol viloyati jismoniy tarbiya va sport tadbirlari markazi xabar berdi.

Boytsov 1986-yil 14-fevralda Oryolda tug‘ilgan. Havaskorlikda 130 ta jang o‘tkazib, 115 tasida g‘alaba qozongan, yoshlar o‘rtasidagi jahon chempionatlarida oltin medallar olgan. Professional ringda 36 g‘alaba (27 tasi nokaut) va 1 mag‘lubiyat qayd etgan. Uni kuchli zarbalari va agressiv uslubi uchun Mayk Taysonga o‘xshatishgan.

U 2015-yil 3-mayda Berlin metrosida og‘ir jarohatlangan holda topilgan. Boshidan jiddiy shikast olgan, sun’iy komaga yotqizilgan, bir necha operatsiya o‘tkazilgan. Keyinchalik gapira va yura olmay qolgan, uzoq yillar reabilitatsiya o‘tkazgan. Shundan keyin u ringga qaytmagan edi.

• Boks
• Rossiya