Profboksning super yarim o‘rta vazn toifasida sobiq WBA chempioni, o‘zbekistonlik bokschi Isroil Madrimovning navbatdagi jangi sanasi va manzili ma’lum bo‘ldi.

Madrimov 2026-yil 25-yanvar tongida AQShning Las-Vegas shahrida joylashgan “Fontainebleau” majmuasida tashkil etiladigan boks oqshomida ringga ko‘tariladi. Matchroom Boxing promouterlik kompaniyasi xabariga ko‘ra, o‘sha kuni Isroilga Dominikan Respublikasi vakili Luis David Salazar raqiblik qiladi.

32 yoshli Dominika vakili bunga qadar 21 ta jang o‘tkazib, shularning 20 martasida g‘alaba qozongan yana bir jangda mag‘lubiyatga uchragan. Ma’lumot uchun, 30 yoshli Isroil Madrimovning profrekordi 13 ta jangda 10 g‘alaba, 2 mag‘lubiyat va 1 durang tashkil etadi. Madirmov so‘nggi jangida amerikalik Vergil Ortisga ochkolar hisobiga ko‘ra mag‘lub bo‘lgandi.

• Boks
• Isroil Madrimov