“Farg‘ona viloyatida aholiga ko‘rsatilayotgan xizmatlari sifatini yanada oshirish, yo‘lovchilarga qo‘shimcha qulayliklar yaratish, shahar jamoat transporti tizimini takomillashtirish bo‘yicha zarur choralar ko‘rilmoqda”, – deb yozmoqda Farg‘ona viloyati hokimligi matbuot xizmati.

Viloyatda yo‘lovchi tashish faoliyati bilan shug‘ullanuvchi korxonalar harakat tarkibini yangilash masalasiga alohida e’tibor qaratilmoqda. Xususan, “Farg‘onaavtotrans xizmat” MChJ tomonidan Xitoy davlatidan yana qo‘shimcha 24 dona Yutong avtobuslari xarid qilingan.

Xabarda, shuningdek, mazkur avtobuslar tez orada Farg‘ona shahri avtobus yo‘nalishlarida brutto-shartnoma asosida aholiga xizmat ko‘rsatishni boshlashi ma’lum qilingan.

• Avtobus
• Farg‘ona
• MCHJ
• Xitoy