Davlat xavfsizlik xizmatining Toshkent viloyati bo‘yicha boshqarmasi xodimlari tomonidan Angren shahar ichki ishlar boshqarmasi bilan hamkorlikda o‘tkazilgan tezkor tadbirda esa narkotik moddalarni “zakladka” tarzida tarqatib, sotish bilan shug‘ullanib kelayotgan Angren shahrida yashovchi, 2000-yilda tug‘ilgan shaxs o‘zining 2001-yilda tug‘ilgan jinoiy sherigidan 971 gr “Katinon” sintetik giyohvandlik vositasini qabul qilib olgan vaqtida ularning noqonuniy harakatlariga chek qo‘yiladi. Bu haqda DXX matbuot xizmati xabar berdi.

Muqaddam giyohvandlik vositalari savdosi bilan bog‘liq jinoyati uchun sudlangan mazkur 25 yoshli shaxs qabul qilib olgan ajal og‘usini kelgusida kichik bo‘laklarga taqsimlagan holda sotib, mo‘may daromad topishni rejalashtirgan.

Hozirda ularga nisbatan Jinoyat Kodeksining 25,273-moddasi 5-qismi bilan jinoyat ishi qo‘zg‘atilib, tergov harakatlari olib borilmoqda.

Ushbu holat bo‘yicha gumondorlarga nisbatan 10-yildan ortiq muddatga ozodlikdan mahrum qilish jazosi tayinlanishi mumkin.

• Angren
• DXX
• Jinoyat
• Toshkent viloyati