Uzoq yillar davomida o‘zbek futboli rivojiga munosib hissa qo‘shgan Muxtor Hoshimov vafot etdi.

Muxtor Muinovich Hoshimov 1948-yilda tavallud topgan. 1960-yilda “Paxtakor” futbol maktabida shug‘ullanishni boshlagan. 1965-yilda O‘zbekiston terma jamoasi safida yoshlar kubogi sohibi bo‘lgan. “Politotdel”, “Dimitrovets”, “Oq oltin” jamoalarida to‘p surgan. 1972-yilda murabbiylik faoliyatini boshlagan.

1993-yilda o‘sha vaqtdagi O‘zbekiston futbol federatsiyasida ommaviy futbol bo‘limi boshlig‘i, 2006-yildan esa musobaqalar bo‘limi boshlig‘i, 2009–2017-yillar davomida esa O‘zbekiston futzal assotsiatsiyasining birinchi vitse-prezidenti lavozimlarida ishlagan. Umrining so‘nggi yillarida esa O‘FA Futbolchilarning maqomi va o‘tishi bo‘yicha qo‘mita raisi sifatida faoliyat yuritgan.

• Futbol
• Hamdardlik