“National Geographic” jurnali 2026-yil uchun eng yaxshi turizm yo‘nalishlarini e’lon qildi va u yerda qadimiy Xiva shahri ham o‘z o‘rnini egalladi.

Jurnal tavsiyasida ta’kidlanishicha, Samarqand va Buxoro mashhurlik cho‘qqisida bo‘lsa, Xiva o‘tmishga yanada haqiqiy va xotirjam sayohatni taklif etadi.  Ekspertlarning fikriga ko‘ra, Xiva hozirgi kunda Sharq tarixini har bir qadimiy devorda va shaharning har bir ko‘chaboshida his etish mumkin bo‘lgan kamsonli joylardan biri hisoblanadi.

“National Geographic” sayyohlarga Xiva shahrining tarixiy markazi — Ichan-Qala’ni tavsiya qiladi. Bu joy YUNESKOning Butunjahon merosi ro‘yxatiga kiritilgan. Shaharga tashrif buyurgan mehmonlar tiklangan saroylar, masjidlar va minoralarning go‘zalligidan bahramand bo‘lishlari, shuningdek, noyob festivallarda — lazgi raqsi, bahodirlar (qahramonlar) bellashuvlari va qovun bayramida ishtirok etishlari mumkin.

Shuningdek, jurnalda yozilishicha, yozda Toshkentdan Xivaga tezyurar temiryo‘l qatnovi yo‘lga qo‘yiladi, bu esa yo‘l vaqtini ikki baravar qisqartiradi.

• Ichan qal'a
• Jurnal
• Lazgi
• Turizm
• Xiva