“Katta yettilik” mamlakatlari Ukrainani qo‘llab-quvvatlashda davom etishga kelishib olishdi. Bu haqida G7 diplomatlarining Yaponiyada o‘tkazilgan uchrashuvi vaqtida so‘z borgan.

“Biz bugun Ukrainani qancha vaqt kerak bo‘lsa, shuncha qo‘llab-quvvatlash, unga o‘zini himoya qilish, mustaqil va demokratik kelajakni ta’minlashga yordam berish, Rossiyaning kelgusidagi tajovuzkor hujumlarini to‘xtatish uchun xavfsizlik masalasida, shuningdek iqtisodiy va institutsional yordam ko‘rsatish mas’uliyatini olamiz”, – deyiladi mamlakatlarning rasmiy bayonotida.

Bundan tashqari, “Katta yettilik” mamlakatlari Ukraina prezidenti Vladimir Zelenskiyning tinchlikni ta’minlashga doir rejasini qo‘llab-quvvatlashlarini yana bir bor ta’kidlab, Rossiyaning yadroviy tahdidlarini keskin tanqid qilishgan. Fransiyalik vakillar esa Xitoyning mojaroni diplomatik yo‘l bilan hal qilishga urinishini olqishlagan.

• G7
• Jahon
• Ukraina
• xabar