“Garri Potter” filmidagi Germiona Greynjer roli bilan mashhurlikka erishgan britaniyalik aktrisa Emma Uotson oʻz vaqtida hamkasbi – Drako Malfoy roli ijrochisi Tom Feltonni sevgani haqida gapirib berdi.

“Men har kuni suratga olish maydonchasiga kelib, chaqirilgan aktyorlar roʻyxatidan uning raqamini izlardim. Agar roʻyxatda Tomning raqami boʻlsa, bu men uchun hayajonli kun edi. U mendan uch yoshga katta boʻlgan va har doim singlisidek muomala qilgan”, dedi Emma Uotson.

Aktrisa hamkasbiga bolalarcha oshiq boʻlganda yoshi 11 da, Tom Feltonning yoshi esa 14 da boʻlgan. Ijodkor oʻsha vaqtlarda javobsiz muhabbat tufayli qiynalganini taʼkidlagan.

Maʼlum boʻlishicha, Tom Felton ham Uotsonning his-tuygʻulari haqida bilgan. Ammo, uni yaqin insoni, singlisi kabi yaxshi koʻrgan. “Men uni asrab-avaylashga harakat qilardim. Unga befarq boʻlmaganman, hozirgacha Emmaga nisbatan nozik tuygʻular bor menda. Ammo, bu tuygʻu har doim qardoshchilik, aka-singilchilik hissidek boʻlgan”, deydi Tom Felton.

• Kino
• mashhurlar