Gollivud yulduzi Eshton Katcher ogʻir autoimmun kasalligiga chalingani haqida gapirib berdi. Uning aytishicha, ushbu xastalik tufayli koʻrish, eshitish va yurish qobiliyatidan ayrilishiga bir baxya qilgan.

“Ikki yil avval vaskulitning oʻta noyob turini boshdan kechirdim, bu koʻrish, eshitish qobiliyati va harakat apparatimga zarar yetkazdi. Hozir tirik ekanimning oʻzi bilan omad”, – deydi Katcher.

Ijodkorning aytishicha, kasallikka chalingan vaqtida juda koʻp narsalarni oʻylab koʻrish uchun imkon topgan. Shuningdek, endilikda muvaffaqiyat yoʻlidagi hech qanday toʻsiq uni oʻz maqsadi uchun harakat qilishdan toʻxtatolmasligini aytib oʻtgan.

Eshton Katcher 2015 yilda aktrisa Mila Kunis bilan oila qurgan. Ularning ikki nafar – bir oʻgʻil, bir qiz farzandlari bor.

• Kino
• mashhurlar