G‘uzor tumani hokimining qurilish, kommunikatsiyalar, kommunal xo‘jalik, ekologiya va ko‘kalamzorlashtirish masalalari bo‘yicha o‘rinbosari Zokirov Zoxidjon Zakirovichga hayfsan e’lon qilindi. Bu haqda tuman hokimining “Intizomiy javobgarlikka tortish haqida”gi qarori qabul qilingan.

Ma’lum qilinishicha, hokimning bu o‘rinbosari ish faoliyati davomida o‘z vazifasiga mas’uliyatsizlik bilan yondoshgan. O‘z zimmasiga yuklatilgan vazifalarni talab darajasida ijro etilishini ta’minlamagan hamda sohaga tegishli tashkilot rahbarlari ustidan nazoratni susaytirib yuborgan.

Qayd etish joiz, avvalroq Kasbi va Muborak hokimlari o‘rinbosarlariga hayfsan e’lon qilgandi. Qolaversa, Kitob tumani hokimi birdaniga 3 nafar o‘rinbosarini jazolagandi.

• Hayfsan
• Qashqadaryo
• hokim