Pit Hegsetning so‘zlariga ko‘ra, Xitoy Xalq Respublikasi kompaniyalari kanal hududidagi eng muhim infratuzilmani nazorat qilishda davom etayotgani “qabul qilib bo‘lmaydigan holat”, chunki uning fikricha bu Xitoyga Panamadagi vaziyatni kuzatish va josuslik qilish imkonini bermoqda.

“Xitoy bu kanalni qurmagan, Xitoy bu kanalni boshqarmaydi va uni qurol sifatida ishlatmaydi”, — deya ta’kidlagan AQSh Mudofaa vaziri Panamaga tashrifi chog‘idagi nutqida.

Hegset, shuningdek, AQSh va Panama o‘rtasidagi hamkorlikni chuqurlashtirish, jumladan, qo‘shma harbiy mashg‘ulotlar va razvedka ma’lumotlari almashinuvini kuchaytirish rejalashtirilayotganini ta’kidlagan. Unga ko‘ra, bu chora-tadbirlar “kommunistik Xitoydan kelayotgan tobora jiddiy chaqiriqlarga javob qaytarish” uchun zarur hisoblanadi.

Ma’lumot uchun, Atlantika va Tinch okeanlarini bog‘lovchi Panama kanali 1914-yilda AQSh tomonidan qurilgan, 1999-yilda kanal boshqaruvi to‘liq Panamaga topshirilgan.

• AQSh
• Kanal
• Xitoy