“Ijtimoiy tarmoqlarda Boysun tumanida gaz sizib chiqishi bilan bog‘liq deb talqin qilinayotgan videolar tarqalmoqda.

Bu holat “M-25” konining 202-son qudug‘ida bir hafta oldin kuzatilgan geologik jarayon. Ya’ni, avvaldan yoqib qo‘yilgan olovning vaqtincha so‘nishi holati hisoblanadi”, – deya xabar bermoqda Energetika vazirligi.

Mutaxassislarning ta’kidlashicha, bu holat kondagi geologik jarayon natijasida yuz bergan va qisqa vaqtda yana yoqib qo‘yilgan.

Ayni paytda Boysundagi “M-25” konida vaziyat barqaror bo‘lib, barcha jarayonlar mutaxassislar nazorati ostida amalga oshirilmoqda.

Xabarga ko‘ra, havoga zararli moddalar tarqalishining oldini olish maqsadida gaz yoqib qo‘yilgan va bu usul atrof-muhit ifloslanishining oldini olishda qabul qilingan standart amaliyot hisoblanadi hamda xalqaro sanoat xavfsizligi talablariga to‘liq javob beradi.

• Boysun
• Gaz
• Surxondaryo