Kvinslend va Karnegi-Mellon universiteti olimlari havoning qisqa muddatli ifloslanishi ham miya faoliyatiga salbiy taʼsir koʻrsatishi va ish layoqatini tushirib yuborishini maʼlum qildilar.

Olimlar havoning ifloslanishi kattalar salomatligiga qanday taʼsir koʻrsatishini aniqlash maqsadida “Lumosity” mashqlariga oid maʼlumotlardan foydalanganlar. Ular yettita kognitiv funksiya – xotira, nutq soʻzlash, diqqat-eʼtibor, moslashuvchanlik, matematika, tezlik va muammolarni hal qilish qobiliyatlariga yoʻnaltirilgan.

Tadqiqot natijalari havoning ifloslanishi eng avvalo xotiraga salbiy taʼsir qilishini koʻrsatgan. Kognitiv funksiyalardagi oʻzgarishlar esa ish layoqatining tushib ketishiga sabab boʻlishi aytilgan.

• qiziqarli
• tadqiqot