AQSh rasmiysi Hindistonning Kartanaka shtatidagi maktablar va kollejlarda hijob kiyishga qarshi qo‘llanayotgan ta’qiqlarga o‘z xavotirini bildirdi. 

AQShning xalqaro diniy erkinlik masalalari bo‘yicha maxsus elchisi Rashad Husayn 11-fevral kuni Twitter’dagi sahifasida Hindistonda hijob kiyishga qarshi qo‘llanayotgan bir qator choralar ayollar va qizlarga jiddiy xavf solishi mumkinligini yozgan.

“Diniy erkinlik – diniy kiyimlarni tanlash imkoniyatini o‘z ichiga oladi. Kartana shtati hijobni kiyish yoki kiymaslikni belgilashi kerak emas. Maktablarda hijob kiyishga qarshi qo‘llanayotgan cheklovlar diniy erkinlikni buzadi.

Ta’kidlanishicha, 12-fevral, shanba kuni Hindiston tashqi ishlar vaziri ushbu vaziyat bo‘yicha “asosli izohlar”ga javob berib, ishni sudda ko‘rib chiqayotganini aytgan.

“Bizning konstitutsiyaviy asoslarimiz va mexanizmlarimiz – demokratik ruhimiz hamda siyosiy masalalarni ko‘rib chiqib, hal qiladigan konteksdir. Shuningdek, mamlakat ichki masalalari bo‘yicha asosli izohlar qabul qilinmaydi”, deydi Hindiston vazirligining rasmiy vakili Arindam Bagchi.

O‘tgan oy mamlakatda bir guruh musulmon talabalari tomonidan norozilik namoyishlari bo‘lib o‘tdi. Bunga sabab kollejlarga hijobli ayollar va qizlarni kirishi ta’qiqlangani bo‘lgan. Keyinchalik, Hindistonning boshqa hududlarida ham diniy kiyimning ta’qiqlanishiga qarshi norozilik namoyishlari o‘tkazilgan.

Qayd etilishicha, Nobel mukofoti laureate Malala Yusufzayni hind rahbarlarini mojarolarni to‘xtatishga chaqirggan. “Kollej bizni o‘qish yoki hijobni tanlashga majbur qiladi”, deya yozgan Malala Yusufzayni.

Fransiya terma jamoasi futbolchisi Pol Pogba ham Kartana shtatidagi musulmon ayollarga nisbatan ko‘rilayotgan choralarga tashvishli munosabat bildirgan. 

Joriy yil Hindiston bosh vaziri Narendra Modi Bhartiya janata partiyasi boshchiligida “tenglik, yaxlitlik va jamoat tartibini buzgan diniy kiyimlarni” kiyishni ta’qiqlagan.

Keltirilishicha, 14-fevral kuni hukumat kollegiyasi tomonidan maktab va kollejlarda o‘quvchilarni sinfxonalarda hijobda o‘tirishiga to‘sqinlik qilish bo‘yicha sud ishi ko‘rib chiqiladi. Shu bilan birga, sud talabalarni kollejlarda hijob kiymaslikka chaqirishi mumkin.

Faollarning ta’kidlashicha, hijobni ta’qiqlash BJPning musulmonlarga qarshi dasturining bir qismidir va Hindiston konstitutsiyasiga ziddir. Mamlakat bosh vaziri Modi hokimiyatga kelishi bilan, musulmonlarga qarshi hujumlar kuchaygan. Xususan, musulmon talabalari kollejdagi bu cheklovlarni ko‘rib hayratga tushganini aytishdi. Chunki, shu paytgacha, ular hijobda oliygohlarda ta’lim olishiga ruxat berilgan edi.

• AQSh
• Diniy erkinlik
• Hindiston