Ilon Mask sun’iy intellekt (AI) sohasidagi 1000 dan ortiq ekspertlar bilan birgalikda kuchli neyron tarmoqlarni o‘qitishga moratoriy joriy etishni talab qildi, chunki bu sohadagi nazoratsiz jarayon insoniyatga xavf tug‘dirishi mumkin. Bu haqda 22-mart kuni “Future of Life Institute” (“Future Life Institute”) notijorat tashkiloti saytida e’lon qilingan sun’iy intellekt bo‘yicha mutaxassislarning ochiq xatida aytiladi.

“Biz barcha sun’iy intellekt laboratoriyalarini GPT-4 dan kuchliroq sun’iy intellekt tizimlari bo‘yicha mashg‘ulotlarni darhol kamida 6 oyga to‘xtatishga chaqiramiz. Ushbu tanaffus ommaviy ravishda e’lon qilinishi kerak, uning bajarilishi tekshirilishi va barcha asosiy sanoat ishtirokchilarini o‘z ichiga olishi kerak. Agar imkon qadar tezroq bunday pauza qilishning iloji bo‘lmasa, hukumatlar aralashib, moratoriy joriy etishi lozim”, – deyiladi maktubda.

Imzolovchilar sun’iy intellekt laboratoriyalari va mustaqil ekspertlar umumiy xavfsizlik protokollarini birgalikda ishlab chiqish hamda amalga oshirish uchun ushbu “nafas olish maydoni” dan foydalanishlari kerak, deb hisoblashadi. Ta’kidlanishicha, bu mustaqil tashqi ekspertlar tomonidan sinovdan o‘tkazilishi va boshqarilishi mumkin bo‘lgan ilg‘or sun’iy intellekt tizimlarini loyihalash va ishlab chiqish uchun zarur bo‘ladi.

Bunga parallel ravishda ekspertlar yangi AI regulyatorlarini, shuningdek, yangi tizimlar xavfsizligini ta’minlaydigan hukumat darajasidagi nazorat tizimlarini yaratish uchun siyosiy sohani o‘zgartirishni taklif qilmoqdalar.

Ochiq xatni imzolaganlar orasida Maskdan tashqari “Apple” asoschilaridan biri Stiv Voznyak, sun’iy intellekt sohasidagi yetakchi ekspertlar Stiven Rassel va Joshua Benjio kabi taniqli mutaxassislar, shuningdek, axborot texnologiyalari va mashinalarni o‘rganish sohasida faoliyat yurituvchi 1100 dan ortiq yetakchi mutaxassislar bor.

Qayd etish mumkin, joriy yil mart oyi o‘rtalarida Amerikaning “OpenAI” kompaniyasi tabiiy tillarni qayta ishlash algoritmining yangi avlodi – multimodal GPT-4 modelini taqdim etdi. Uning mualliflarining fikricha, avvalgi GPT-3.5 versiyasidan ancha ustun hisoblanadi.

Shunday qilib, GPT-4 ko‘proq “ijodkorlik” bilan ta’minlangan va foydalanishda ishonchliroq, u batafsilroq so‘rovlarni qayta ishlashga qodir. Haqiqiylik yoki ishonchlilikning ichki baholariga ko‘ra, u GPT-3.5 dan 40 foizga aniqroq. Misol tariqasida kompaniya advokat uchun test – simulyatorni keltirdi, uning yordamida ikkala neyron tarmoq ham baholanadi. GPT-4 ko‘rsatkichlari taxminan eng yuqori 10 foiz, GPT-3.5 esa pastki 10 foiz bo‘lgan.

• Apple
• Ilon_Mask
• Neyrobiolog
• sun’iy intellekt