Milliarder Ilon Mask o‘zining yangi – “X.AI.” deb nomlangan kompaniyasiga asos soldi. Ushbu kompaniya sun’iy intellekt yo‘nalishida faoliyat olib boradi.

Ma’lum bo‘lishicha, kompaniya AQShning Nevada shtatida ro‘yxatdan o‘tkazilgan, uning yagona sohibi esa Maskning o‘zi hisoblanadi.

Tadbirkor “Alphabet” korporatsiyasining “DeepMind” sun’iy intellekt laboratoriyasida faoliyat olib borgan olim Igor Babushkinni ishga olishga ham ulgurgan. “OpenAI” kompaniyasining ChatGPT loyihasi ustida ishlagan mutaxassislarini “X.AI” kompaniyasi tomon og‘dirishga harakat qilingan, ammo bu boradagi urinishlar hech qanday natija bermagan.

Eslatib o‘tamiz, Ilon Mask olimlarni joriy yilning mart oyida GPT-4'dan kuchliroq neyrotarmoqlar ishlab chiqishni to‘xtatishga chaqirgan edi.

• Ilon_Mask
• ilm-fan
• milliarderlar
• sun’iy intellekt