16°
Kechasi 9°
Bosh prokuratura huzuridagi Departament hamda DXXning Oqqo‘rg‘on tumani bo‘limlari tomonidan IIB xodimlari bilan hamkorlikda o‘tkazilgan tezkor tadbirda, “X.S.” MCHJ rahbari X.K. “Qo‘shtepa” MFY hududidagi korxonaga qarashli binoda yashirin syex tashkil etib, iste’molchilarning hayoti va sog‘ligi xavfsizligi talablariga javob bermaydigan yog‘ mahsulotlarini ishlab chiqarayotganligi aniqlanib, ushbu binodan jami 110 mln so‘mlik 4 500 litr yog‘, 11 ming kg chigit va boshqa tovar-moddiy boyliklari ashyoviy dalil sifatida olingan.
Xuddi shunday, Departamentning Shahrisabz shahar bo‘limi tomonidan IIB xodimlari bilan hamkorlikda o‘tkazilgan tezkor tadbirda, fuqaro E.M. “Yangi hayot” MFYdagi xonadonining yordamchi xo‘jaligida yashirin syex tashkil etib, iste’molchilarning hayoti va sog‘ligi xavfsizligi talablariga javob bermaydigan yog‘ mahsulotlarini ishlab chiqarayotganligi aniqlanib, ushbu xonadondan jami 18,7 mln so‘mlik 705 litr yog‘, 112 kg chigit va boshqa tovar-moddiy boyliklari ashyoviy dalil sifatida olingan.
Departament hamda DXXning Oqqo‘rg‘on tumani bo‘limlari tomonidan IIB xodimlari bilan hamkorlikda o‘tkazilgan tezkor tadbirda, fuqaro D.K. “Tolovul” MFYdagi xonadonida yashirin syex tashkil etib, iste’molga yaroqsiz yog‘ mahsulotlarini ishlab chiqarayotganligi aniqlanib, jami 17,5 mln so‘mlik 1 200 kg chigit va boshqa tovar-moddiy boyliklari ashyoviy dalil sifatida olingan.
Shu kabi, Departamentning Shahrisabz shahar bo‘limi tomonidan IIB xodimlari bilan hamkorlikda o‘tkazilgan tezkor tadbirlarda, fuqarolar M.O. va B.A “Uymovut” hamda “Tutzor” MFYdagi binolardagi yashirin syexda iste’molga yaroqsiz yog‘ mahsuloti ishlab chiqarayotganliklari aniqlanib, jami 13,4 mln so‘mlik 245 litr yog‘, 172 kg chigit va boshqa tovar-moddiy boyliklari ashyoviy dalil sifatida olingan.
Mazkur holatlar yuzasidan Jinoyat kodeksining 186-moddasi (xavfsizlik talablariga javob bermaydigan tovarlarni o‘tkazish maqsadini ko‘zlab ishlab chiqarish, saqlash, tashish yoxud o‘tkazish, ishlar bajarish yoki xizmatlar ko‘rsatish) va 186-2-moddasi (chigitdan olinadigan mahsulotni qonunga xilof ravishda ishlab chiqarish yoki muomalaga kiritish) bilan jinoyat ishlari qo‘zg‘atilib, tergov harakatlari o‘tkazilmoqda.
O‘zbekiston va jahonda ro‘y berayotgan eng so‘nggi voqea-hodisalar, sport, shou-biznes, madaniyat, informatsion texnologiyalar va ilm-fan yangiliklaridan doimo xabardor bo‘ling!
O‘zbekiston va jahonda ro‘y berayotgan eng so‘nggi voqea-hodisalar, sport, shou-biznes, madaniyat, informatsion texnologiyalar va ilm-fan yangiliklaridan doimo xabardor bo‘ling!
