Jahon banki Ijrochi direktorlar kengashi Taraqqiyot siyosati operasiyalari (TSO) doirasida O‘zbekistonga 400 million AQSh dollarlik moliyalashtirishni taqdim etishni ma’qulladi.  

Uning maqsadi davlat tomonidan mamlakatning inklyuziv va raqobatbardosh bozor iqtisodiyotiga o‘tish jarayonini jadallashtirishga yordam beradigan muhim ijtimoiy-iqtisodiy islohotlarni amalga oshirilishida yordam berishdir.

Ushbu operasiyalar doirasida O‘zbekistonga 30 yildan ortiq muddatga past foizli 250 million AQSh dollarlik imtiyozli kredit, shuningdek, qaytarish muddati 12 yildan ortiq bo‘lgan 150 million AQSh dollari miqdoridagi kredit bozor foiz stavkasida taqdim etiladi.

Ushbu operasiya doirasida O‘zbekistonga ko‘rsatilayotgan moliyaviy va texnik yordam hukumatga qator muhim islohotlarni amalga oshirish imkonini beradi.

Bug‘doy bozorini yanada liberallashtirish, davlat korxonalari boshqaruvini takomillashtirish, davlat xarajatlari va qarzlari ustidan hisobdorlik va nazoratni kuchaytirish, mehnat bozorida gender asosida kamsitishga qarshi kurashish, kam ta’minlangan shaxslarning nafaqa bilan ta’minlanganligini oshirish, shuningdek, ayollar va nogironligi bo‘lgan shaxslar uchun ijtimoiy himoya va iqtisodiy imkoniyatlarni kengaytirish kabilar shular jumlasidan.

• Jahon banki
• Kredit
• O‘zbekiston