Kanadaning Monreal shahrida 2025-yil, 6-fevral kuni professional boks oqshomi tashkil etiladi.

Unda super og‘ir vazn toifasida o‘zbekistonlik prof bokschi Bahodir Jalolov ham ishtirok etadi.

Ringda Bahodirga fransiyalik Devid Spilmont raqiblik qiladi. Top Rank promouterlik kompaniyasi ushbu jangni tasdiqlagan.

Jalolov Artur Biyarslanov va Mohamed Mimun o‘rtasidagi markaziy jangning anderkardida ringga ko‘tariladi.

Ma’lumot uchun, Bahodir Jalolov professional karyerasi davomida hozirga qadar 14 ta jang o‘tkazib, ularning barchasida g‘alaba qozongan. Ikki karra olimpiya o‘yinlari chempioni so‘nggi jangini 2023-yil 17-noyabr kuni JAR vakili Kris Tompsonga qarshi o‘tkazgan holda ilk raunddayoq nokaut orqali zafar quchgan edi.

Unga raqiblik qilishi kutilayotgan Devid Spilmont esa shu kungacha 27 ta jang o‘tkazib, 16 ta g‘alaba (11 tasini nokaut orqali), 8 ta mag‘lubiyat va 1 ta durang qayd etgan.

• Bahodir Jalolov
• Boks