Noyabrdan boshlab poytaxt jamoat transportida yangi, qo'shimcha va rag'batlantiruvchi tariflar joriy etilmoqda.. Endilikda yo‘lovchilar avtobus va metroga 1 400 so‘m emas, 2 ming so‘m yo‘lkira to‘laydi. Bu haqda “Toshshahartransxizmat” AJ matbuot xizmati xabar bermoqda.

Qayd etilishicha, bunda naqd pul shaklida yoki bank kartalarti orqali to‘lov qiluvchilarga yo‘l haqi 2 000 so‘mdan, ATTO transport kartalaridan foydalaunvchilarga esa 1 700 so‘mdan tushadi.

Naqdsiz to‘lov va bir soat ichidagi almashishlar uchun imtiyozli narxlardan faqat transport kartalari egalari foydalana oladi. Ya’ni ATTO transport kartalaridan foydalangan holda bir soat ichida ikkinchi marotaba avtobusdan foydalansalar yo‘l haqi uchun 700 so‘m to‘lanadi. Bir soat davomida yo‘lovchilar avtobusdan uchinchi va to‘rtinchi marotaba ma’lum bir manzilga harakatlanishi mutlaqo bepul bo‘ladi.

“Toshshahartransxizmat” AJga ko‘ra, metrodagi almashishlar narxi avtobusnikidan biroz farq qiladi. Bu borada aniq ma’lumotlar berilishi aytildi.

• Avtobus
• Metro
• Narx-navo
• Toshshahartrans