11-iyul kuni chorakfinalning navbatdagi uchrashuvi bo‘lib o‘tdi. Unda Ispaniya Belgiyani yutib, yarim finalga yo‘l oldi. O‘yinning 30-daqiqasida dastlab Ruis darvozabondan qaytgan to‘pga birinchi bo‘lib yetib keldi va hisobni ochdi. Belgiyaliklar esa birinchi bo‘limning o‘zida hisobni tenglashtirdi.

“Qizil furiya” ikkinchi bo‘lim davomida ustunlikka erishdi, ‘qizil iblislar” darvozaboni Tibo Kurtua jarohat olishi Belgiyaga salbiy ta’sir qildi. Uning o‘rniga zaxiradan tushirilgan Lammens o‘yin oxirida qo‘pol xatoga yo‘l qo‘ydi – u Kubarsining zarbasidan keyin to‘pni ushlab qololmadi, to‘pga birinchi bo‘lib yetib kelgan Mikel Merino g‘alaba golini urdi va yarim final yo‘llanmasini qo‘lga kiritdi.

Endi Ispaniya 14-iyul kuni yarim finalda Fransiyaga qarshi maydonga tushadi.

Yamal esa fransuzlar bilan o‘yindan oldin ular haqida fikr bildirdi.

“Agar Fransiya kimdandir qo‘rqishi kerak bo‘lsa, bu — bizmiz. Chunki o‘tgan safar ham ularni musobaqadan chiqarib yuborganmiz. Biz esa hech kimdan qo‘rqmaymiz. Bu chempionatda hali bizga teng keladigan raqibga duch kelmadik. Bizga qarshi o‘ynagan barcha jamoalar futbol o‘ynashdan cho‘chib, himoyaga yopishib olishdi” – deydi ispaniyalik futbolchi.

• Belgiya
• Fransiya
• Futbol
• Ispaniya
• Jahon chempionati