Janubiy Koreyaning Muan shahrida samolyoti halokatga uchragan Jeju Air aviakompaniyasi fojia uchun uzr so‘rab, falokat sababini aniqlash uchun barcha imkoniyatni amalga oshirishga va’da berdi, – deb yozmoqda Yonhap axborot agentligi.

“Hozir tafsilotlarni aniqlash ustida ishlayapmiz”, – deyilgan qisqacha bayonotda.

Eslatib o‘tamiz, bugun mahalliy vaqt bilan soat 9:07 da Jeju Air kompaniyasi 7C 2216 reysi bo‘yicha 181 kishi bilan uchgan “Boeing  737-800” layneri Muan aeroportiga qo‘nayotganda uchish-qo‘nish yo‘lagidan chiqib ketib, panjaraga urilgan va yonib ketgan.

So‘nggi ma’lumotlarga ko‘ra, halok bo‘lgan 75 kishining shaxsi aniqlangani, ikki kishi qutqarilgani  e’lon qilingan. Havo kemasi sahnida 173 nafar Janubiy Koreya, 2 nafar Tailand fuqarosi bo‘lgan.

• Aviahalokat
• Janubiy Koreya