Ozarbayjon hukumatidagi manbalar chorshanba kuni Aqtauda Ozarbayjon havo yo‘llari samolyotining halokatga uchraganiga Rossiyaning yer-havo raketasi sabab bo‘lganini tasdiqladi.

Manbalarga ko‘ra, raketa Grozniy tepasida uchuvchisiz havo harakati paytida 8432-reysga uchirilgan hamda shrapnel parvoz paytida samolyot yonida portlagan va uning zarralari samolyotga zarar yetkazgan.

Hukumat manbalarining ma’lum qilishicha, shikastlangan samolyot uchuvchilarning favqulodda qo‘nishni so‘rashiga qaramay, Rossiyaning birorta aeroportiga qo‘nishga ruxsat berilmagan. So‘ngra Kaspiy dengizi orqali Qozog‘istonning Aqtau shahri tomon uchish buyurilgan.

Ma’lumotlarga ko‘ra, samolyotning GPS-navigatsiya tizimlari dengiz ustidan o‘tayotganda ishdan chiqqan.

Rossiya manbalariga ko‘ra, Ozarbayjon havo yo‘llari reysi Checheniston hududidan o‘tayotgan vaqtda Rossiya mudofaa kuchlari Ukraina uchuvchisiz uchoqlarini urib tushirishga faol uringan.

Checheniston Respublikasi Xavfsizlik kengashi rahbari Hamzat Qodirov chorshanba kuni ertalab Grozniyda uchuvchisiz samolyot hujumi sodir etilganini tasdiqlab, qurbonlar yo‘qligini ta’kidladi. 

• Halokat
• Ozarbayjon
• Qozog‘iston
• Rossiya
• Samolyot