AQShning Reviews.org tahlil kompaniyasi o‘tkazgan tadqiqotga ko‘ra, inson yiliga 2,5 oyni faqat smartfonga sarflagan. Barchamiz taxminan har 5 daqiqada telefonimizni qo‘lga olamiz, bu esa kuniga 140 martadan oshadi. Statistik ma’lumotlar ko‘rsatishicha, 2024-yilda foydalanuvchilar o‘tgan yilga nisbatan 42,3 foiz ko‘proq vaqtini ekran oldida o‘tkazmoqda.

Tadqiqotning asosiy xulosalari quyidagicha:

– 80,6 foiz odamlar uyqudan turgach, dastlabki 10 daqiqa davomida telefonlarini tekshirib ko‘radi;

– 65,7 foizi hojatxonada telefondan foydalanadi;

– 53,7 foiz foydalanuvchilar bir xonada bo‘lsa ham, sheriklari bilan shaxsan gaplashish o‘rniga ularga xabar yozadi.

– 38,1 foizi uchrashuv paytida telefoniga qaraydi;

– 27 foiz odam mashina haydayotganda telefoniga qarab qo‘yadi.

Mutaxassislarni tashvishga solayotgan narsa shuki, odamlar smartfonlardan haddan tashqari foydalanishni muammo deb hisoblamay qo‘yishgan. 2024-yilda odamlarning telefondan foydalanish vaqti 42,3 foizga oshganiga qaramay, buni qaramlik deb hisoblovchilar soni o‘tgan yilga nisbatan 24 foizga kamaygan.

• Telefon
• tadqiqot