Jonni Deppning “Karib dengizi qaroqchilari” filmidagi Jek Chittak roliga qaytishi uchun “Disney” kompaniyasi tomonidan 301 million AQSh dollari miqdorida pul taklif qilingani va Deppning ushbu rolga qaytishi mumkinligi haqidagi ehtimol aktyorning muxlislarini quvontirib yuborgan edi. Ijodkorning rasmiy vakili internet olamida koʻtarilgan shov-shuvga nisbatan munosabat bildirdi va aktyorning filmga qaytish niyati yoʻqligini maʼlum qildi.

Jonni Depp “Karib dengizi qaroqchilari” filmining ijodiy jamoasini 2018 yilda tark etgan, bunga aktyorning sobiq rafiqasi tomonidan qilingan tuhmat sabab boʻlgan. Shundan keyin Jonni Depp kompaniya vakillaridan qattiq ranjigani va filmga 300 million AQSh dollari evaziga ham qaytmasligini maʼlum qilgan edi.

Depp “Karib dengizi qaroqchilari” franshizasining 5 ta filmida suratga tushgan. Kompaniya u bilan ishlashdan bosh tortgach, aktyor bundan 22,5 million AQSh dollari miqdorida zarar koʻrgan.

• Kino
• San’at
• mashhurlar