NASA’ning Juno kosmik kemasi Yupiterning yo‘ldoshi Yevopaning yaqindan suratlarini oldi. 

Juno missiyasi 2011-yilda boshlangan. Uning asosiy vazifasi Yupiterni tadqiq qilish edi, biroq olimlar gaz gigantining yo‘ldoshlarini, jumladan Yevropa, Genymed va Io’ni o‘rganish uchun ham zonddan foydalanganlar.

Junoning Yevropa bilan uchrashuvi 29-sentyabr kuni bo'lib o‘tdi. Xuddi shu kuni Yerga birinchi tasvirlar keldi. Ular olimlarga tabiiy yo‘ldoshning muzli yuzasini yaxshiroq tasavvur qilish imkonini berdi. Bu quyosh tizimida hayotni izlash uchun eng istiqbolli joylardan biri hisoblanadi.

Olimlar yangi fotosuratlarni 1997-yilda Galileo zondi tomonidan olingan oldingi suratlar bilan solishtirishni rejalashtirmoqda. Bu Yevropaning so‘nggi 20 yil ichida qanday o‘zgarganini tushunish imkonini beradi.

• Yupiter
• kosmos
• qiziqarli