Shvetsiyalik taniqli rejissyor Ruben Estlundning “Qaygʻu uchburchagi” filmi 75-Kann kinofestivalining bosh mukofotiga munosib deb topildi. Film rejissyori kinofestivalning eng yaxshi filmi muallifi sifatida mukofotni qabul qilib oldi.

Bu ijodkor tomonidan qoʻlga kiritilgan ikkinchi “Oltin palma novdasi”. U 2017-yilda ham kinofestivalda “Kvadrat” filmi bilan ishtirok etgan va ushbu film oliy mukofotga munosib deb topilgandi.

Maʼlumot uchun, moda olami haqida suratga olingan “Qaygʻu uchburchagi” filmi asarga “poyoni koʻrinmaydigan yumor” bilan yondashilgani uchun ham mutaxassislar eʼtirofiga sazovor boʻlgan.

Eslatib oʻtamiz, bir necha kun avval amerikalik aktyor Tom Kruz ham Kann kinofestivalining “Oltin palma novdasi” mukofotiga sazovor boʻlgan edi. Ijodkor festivalda oxirgi 30 yil ichida ilk bor ishtirok etgan. U nufuzli tadbirga “Top Gan: Merevik” filmining taqdimotini oʻtkazish uchun kelgan.

• Festival
• Kino
• Madaniyat
• San’at
• mashhurlar