Shahrixon tumanidagi Asaka avtoturargohida tashkil etilgan buyum bozori hududida yong‘in sodir bo‘lganligi to‘g‘risida soat 23:30 da FVBga xabar tushgan. Shunga ko‘ra, 20 ta yong‘in-qutqaruv ekipaji soat 23:32 da hodisa joyiga yetib borib, yong‘in 26-yanvar kuni soat 00:30 da o‘rab olingan va soat 01:53 da bartaraf etilgan.

Yong‘in natijasida taxminan 700-800 kv.m maydon yonib zararlangan.

Yong‘in oqibatida fuqarolarning kuyish tan-jarohatini olish va halok bo‘lish holatlari to‘g‘risida ma’lumotlar kelib tushmadi.

Hozirda yong‘in sababi va moddiy zarar miqdori aniqlanmoqda.

Voqea joyiga viloyat hamda tuman FVB rahbar xodimlari chiqqan.

• Andijon
• FVB
• yong‘in