Bloombergning amerikalik mulozimlar orasidagi suhbatdoshlari Ukraina Qurolli kuchlari Kursk viloyatida egallab olgan hududning yarmini allaqachon yo‘qotganligini aytmoqda.

“Ukraina harbiylari qolgan hududlarni bahorgacha saqlab turishlari mumkin, shundan so‘ng ularning qurshovga tushib qolishi xavfi yuqori. Bu Kiyevni Moskva bilan bo‘ladigan ehtimoliy muzokaralarda muhim bosim vositasidan mahrum qiladi. Shu bilan birga, ukrainalik harbiylar Kursk viloyatida rejalashtirilganidan ko‘proq vaqt qolishga muvaffaq bo‘ldi”, – deb yozmoqda Bloomberg.

Agentlikka ko‘ra, Ukraina Qurolli kuchlarining muvaffaqiyatida AQShning Rossiyaga chuqur zarbalar berishga rozi bo‘lishi muhim rol o‘ynagan.

Shuningdek, KXDR Kursk viloyatiga Ukraina armiyasiga qarshi kurashayotgan 12 ming harbiydan tashqari qo‘shimcha ravishda yana 8 mingga yaqin harbiylarini yuborishi mumkin.

• Rossiya
• Ukraina
• Urush