Ukraina prezidenti Vladimir Zelenskiy o‘zining xalqqa murojaatida Rossiya-Ukraina urushida Shimoliy Koreya tomonidan berilgan qurbonlar uch mingdan ortiq o‘ldirilgan va yaralangan harbiy xizmatchilarni tashkil qilishini ma’lum qildi.

“Rossiya Shimoliy Koreya askarlarini shunchaki yo‘q qilmoqda. Nega koreyslar Putin uchun jang qilishi kerak? Afsuski, dunyo hamjamiyati Rossiya va Shimoliy Koreya o‘rtasidagi jinoiy hamkorlikka qarshi deyarli hech narsa qilmayapti”, – degan Ukraina rahbari.

Janubiy Koreya harbiy razvedkasi Shimoliy Koreyaning Rossiya-Ukraina urushidagi yo‘qotishlarini 1100 kishiga baholamoqda. Janubiy Koreya, AQSh va Ukraina harbiy razvedkalari ma’lumotlariga ko‘ra, KXDR rasmiylari urushda qatnashishi uchun Rossiyaga taxminan, 10-12 ming harbiy xizmatchi jo‘natgan.

• Putin
• Rossiya
• Shimoliy Korea
• Ukraina
• Urush
• Zelenskiy