2026-yilda alkogol va tamaki mahsulotlari bo‘yicha aksiz stavkalarini unifikatsiya qilish, qandli va energetik ichimliklar uchun progressiv soliq joriy etish, shuningdek, kartoshka chipslariga aksiz belgilash rejalashtirilgan.

Iste’mol va texnik etil spirti uchun aksiz solig‘i stavkasi 15 000 so‘m darajasida saqlab qolinadi. Etil spirtining bosh fraksiyasi uchun aksiz 5 000 so‘mga tushiriladi.

2026-yil 1-fevraldan araq va konyak uchun aksiz stavkasi mahalliy mahsulotlar uchun 1 litriga 48 000 so‘m, import mahsulotlar uchun 60 000 so‘m etib belgilanadi. 2026-yil 1-iyuldan esa mahalliy va import mahsulotlar uchun yagona stavka — 1 litriga 48 000 so‘m joriy etiladi.

Shu sanadan boshlab vino va pivo uchun ham yangi aksiz stavkalari belgilanadi:

- mahalliy tabiiy vino uchun — 1 litriga 7 000 so‘m;

- import uchun — 12 000 so‘m;

- boshqa turdagi vinolar uchun — 9 000 so‘m va 15 000 so‘m;

- pivo uchun — 3 000 so‘m va 5 000 so‘m.

2026-yil 1-iyuldan stavkalar unifikatsiya qilingach:

- tabiiy vino — 1 litriga 10 000 so‘m;

- boshqa vinolar — 12 000 so‘m;

- pivo mahsulotlari — 4 000 so‘m etib belgilanadi.

2026-yil 1-iyuldan filtrli va filtrsiz sigaretalar, papiroslar, sigarilla, bidi va kreteklar uchun aksiz stavkasi 1 000 donaga 365 000 so‘mga oshiriladi.

2026-yil 1-fevraldan mahalliy va import mahsulotlar uchun quyidagi stavkalar joriy etiladi:

- 1 dona sigara uchun — 21 500 so‘m;

- kalyan tamakisi va qo‘l bilan o‘ralgan sigaretalar uchun tamaki — 1 kg uchun 642 000 so‘m; — qizdiriladigan tamaki stiktari — 1 kg uchun 481 500 so‘m;

- veyp suyuqligi — 1 ml uchun 2 140 so‘m.

• Alkogol
• Soliq
• Tamaki